Дортмунднинг “Боруссия” жамоаси яримҳимоячиси Илкай Гундоган ёзги трансферлар вақтида янги жамоада пайдо бўлиши мумкин.
Blid нашри маълумотларига кўра, 24 ёшли футболчининг хизматларига “Манчестер Юнайтед” ва “Арсенал” жамоаларидан ташқари “Бавария” жамоаси ҳам қизиқиш билдирган.
Қайд қилинишича, мюнхенликлар 1 йилдан кейин боруссияликлар билан шартномаси муддати якунланадиган Гундоганнинг агенти билан музокараларни бошлаган.
Маълумот учун, шу вақтгача ҳам “Бавария” Дортмунднинг “Боруссия” жамоасидан Марио Гётце ва Роберт Левандовскини сотиб олганди.