Бугун ОФК Кубогида 5-тур учрашувларига старт берилди.
Кун доирасидан 8 та беллашув ўрин олган бўлиб, улардан фақат биттаси ҳозирча якунлаган. “Персипура Жаяпура” ўз уйида Сингапурнинг “Уорриорс” жамоасини қабул қилди ва 6-0 ҳисобида зафар қучди.
Ҳамюртимиз Иван Нагаев тўп сураётган Қувайтнинг “Ал Қодисия” клуби эса ўз ўйинини эртага ўтказади. Қувайтликлар Ашхободда “Аҳал” меҳмони бўлишади. Шу ўринда таъкидлаб ўтишимиз жоиз, Иван кеча “Локомотив” – “Пахтакор” баҳсини стадиондан туриб кузатди. Унинг шартнома муддати якунланиб, Тошкентга қайтган бўлиши ҳам мумкин. Бу ҳақда клуб ҳали расмий баёнет берганича йўқ. Лекин шуниси аниқки, Нагаев катта эҳтимол билан “Аҳал” – “Ал Қодисия” учрашувида иштирок этмайди.
Қуйида бугунги учрашувларда қайси жамоалар тўқнашишлари билан танишиб олишингиз мумкин.
28.04.2015
Персипура Жаяпура 6-0 Уорриорс ФC
Мазия - Бенгалуру ФК
Салам Жғарта - Виҳдат Оман
Балестиер Халса - Китчи СК
Ист Бенгал - Дарул Таъзим
Ал Наҳда - Ваҳда Дамашқ
Ал Жазира - Вади Ал Нес
Ал Ҳидд – Шорта Бағдод
