Тошкент, 28 апрель - Олий лигада чемпионлик учун кураш олиб бораётган "Локомотив" ўзининг навбатдаги учрашувини сафарда ўтказади. "Темирйўлчилар" 1 май куни Қаршида "Насаф" меҳмони бўлишади.   Бу ўйиннинг ҳам қизиқарли кечиши кутилмоқда. Негаки, иккала жамоа айни пайтда турнир жадвалида ёнма-ён ўринларни эгаллаб турибди. Хусусан "Насаф" 15 очко тўплаган ҳолда биринчи ўринда кетаётган бўлса, "Локомотив" 14 очко билан иккинчи поғонада бормоқда. Агар навбатдаги беллашувда "Локомотив" зафар қучгудек бўлса, унда биринчи ўринга кўтарилиб оламиз.   1 май куни ўтказиладиган баҳсни ФИФА рефериси Владислав Цейтлин бошқаради. Унга қанотларда Ҳусниддин Шодмонов билан Андрей Цапенко ёрдам беришади. Захира ҳаками Нодиржон Болтаев. Учрашув назоратчиси эса Иброҳим Шарипов.   Олий лига. 7-тур 1 май. Қарши   НАСАФ - ЛОКОМОТИВ Ҳакамлар: В. Цейтлин (Тошкент), Ҳ. Шодмонов (Бухоро), А. Цапенко (Тошкент вилояти), Н. Болтаев (Навоий). Назоратчи: И. Шарипов (Бухоро). ЎзПФЛ вакили: Н. Лутфулин.