Испания чемпонатининг 34-тури "Барселона" ва "Хетафе" ўртасидаги баҳс билан бошланди. Меҳмонлар "Камп Ноу"да ҳеч нарса қила олишмади.

Каталонияликлар эса ўз мухлисларига бир-биридан чиройли олтита гол ҳадя қилишди. Ҳаттоки, Месси томонидан пенальтидан киритилган гол ҳам Паненка услубида урилди. Месси ва Суарес дублга эришишган бўлса, Хави ва Неймар ўз ҳисобларига биттадан гол ёзишди. Таймлар бўйича айтадиган бўлсак, биринчи бўлимда 5та гол урган "Барселона", иккинчи 45 дақиқаликда битта гол билан кифояланди.

Лионель Месси ўз голларини 38тага етказди. Энди у Роналдудан битта голга ортда бормоқда. "Реал" ўз ўйинини эртага "Альмерия"га қарши ўтказади. Улар мазкур ўйин олдидан "Барса"дан 5 очкога ортда қолишмоқда.

Ла лига, 34-тур
Барселона – Хетафе 6:0 (онлайн трансляция)
Голлар: 1:0 – 9, пенальти Месси, 2:0 – 25 Суарес, 3:0 – 28 Неймар, 4:0 – 30 Хави, 5:0 – 40 Суарес, 6:0 – 47 Месси.
Барселона – Браво, Дани Алвес (Монтойя, 68), Бартра, Матьё, Адриано, Хави (Педро, 59), Бускетс (Роберто, 46), Рафинья, Неймар, Месси, Суарес.
Хетафе – Гуаита, Лаго, Арройо, Руано, Веласкес, Буэндиа, Родригес (Фелип, 65), Леон (Эскудеро, 76), Инестроса, Ласен, Баба (Лопес Альварес, 49).