Бразилиялик таниқли ярим ҳимоячи Роналдиньонинг агенти ва акаси Роберто Ассис хавбекнинг ўз фаолиятини Америка чемпионатида давом эттириши мумкинлигини айтиб ўтди.

Эслатиб ўтамиз, бир вақтлар “ПСЖ”, “Барселона” ҳамда “Милан” каби Европа грандлари сафида ҳаракат қилган футболчи айни вақт Мексиканинг “Керетаро” клубида тўп сурмоқда ва шу йил ёзда жамоасини алмаштирмоқчи.

– У йил ўртасигача “Керетаро”да ҳаракат қилади, кейин эса янги клуб излаш ишларини бошлаб юборамиз, – дея Роберто Ассис сўзларини келтиради Globo га асосланиб Спорт Экспресс. – МЛС – жуда яхши вариант, чунки Роналдиньо Америка лигасига бўлган қизиқишни ошира оладиган футболчи. Роналдиньо яна совринлар олишни истаяпти. “Крузейро” ҳақида миш-мишларга келсак, бу клуб билан музокаралар олиб борганимиз йўқ. Лекин футбол оламида ҳеч нарсани инкор этиб бўлмайди. Эҳтимол улардан ақлга сиғмайдиган ва биз рад қила омлайдиган таклиф келиб тушар.