1 май куни "Пахтакор" олий лиганинг 7-турида "Навбаҳор" билан майдонга тушади.

Бахтиёр Ашурматов бошчилик қилаётган жамоа мавсумни муваффақиятли бошлай олмади. Шунга қарамай, наманганликлар таркибида яхши футболчилар йиғилган ва жамоа кучли рақибларга қарши учрашувларда яхши ўйнай олиши билан ажралиб туради. Ўтган 6 беллашувда "Навбаҳор" 7 очко тўплади.

Ҳозирга қадар олий лиганинг барча мавсумларида қатнашиб келаётган икки жамоа 46 бор тўқнаш келган. 29 бор “Пахтакор”, 11 марта “Навбаҳор” ғалаба қозонган ва 6 беллашувда дуранг қайд этилган. Жамоамиз 80, рақиб 36 бор гол урган. Наманганликлар Тошкентда охирги марта 1997 йилда очко олишган. Ўша баҳс 2:2 ҳисобида тугаган.

Ёшлар жамоалари 30 апрель, пайшанба куни соат 16:30да Қибрайда ўйинларини бошлашади. Асосий таркиблар ўртасидаги "Пахтакор" - "Навбаҳор" учрашуви 1 май, жума куни "Пахтакор" Марказий стадионида соат 19:30да бошланади. Мухлисларни стадионга чорлаб қоламиз. "Пахтакор"ни қўллаб-қувватланг!

“ПАХТАКОР” - “НАВБАҲОР”

Ҳакамлар: Виктор Серазетдинов (Тошкент), Равил Шояхметов (Тошкент), Владлен Лушин (Гулистон), Абдураҳим Мўминов (Тошкент вилояти).

Назоратчи: Игорь Мустафин (Тошкент).