"Челси" бош мураббийи Жозе Моуриньо Англия чемпионати 27-турининг қолдирилган учрашувида "Лестер" устидан қозонилган ғалабадан сўнг (3:1) фикрларини билдирди.
"Кўклар" апрель ойида "Сток Сити", "Куинз Парк Рейнджерс" ва "Манчестер Юнайтед" клублари устидан ғалаба қозониб, "Арсенал" билан дуранг ўйнаган эди.
"Бугун зерикмадим. Биринчи бўлимдан сўнг ҳисобда ортда борганимиз босим қилди. Иккинчи бўлимда апрель ойидаги энг яхши рақибимизга қарши жуда ажойиб ўйин кўрсатдик.
"Арсенал" ва "Манчестер Юнайтед"га қарши учрашувларда очко йўқотишимизни кўпчилик кутган эди, аммо бу ойда барча рақибларимизни яксон қилдик. Биз "Арсенал"га қарши учрашувдан ташқари барча ўйинларда ғалаба қозондик. Мен жуда хурсандман, энди бизга уч очко керак", - дейди Моуриньо.
