"Милан" бош мураббийи Филиппо Индзаги Италия чемпионатининг 33-турида "Женоа"дан уйдаги мағлубиятдан сўнг фикрларини билдирди.

"Бу футбол. Омадсиз кунлар ҳар боим бўлади, мураббйи ҳар доим таваккал қилади. Афсусдаман, чунки жамоа бирлашишга ва бошқача ўйин услубига тайёрланган эди. "Удинезе"га қарши аввалги учрашувимиздан сўнг, бу сафар жамоа бор кучини ишга солди. Аммо "Женоа" яхши формада эди ва ҳақли ғалабага эришди. Биз бор кучимизни ишга солдик, аммо бу камлик қилди, биз ёмон ўйнадик.

Энди мавсумни муносиб якунлаб қўйиш керак. Тактика муҳим эмас, агар қийинчиликларга дуч келсанг, биринчи галда бошқа нарсалар муҳим бўлиб қолади.

Мен ҳеч қачон таслим бўлмайман. Бу менинг футболчилик ва мураббийлик ақидам. Бошимни кўтариб юраман.Ишимга клуб баҳо берсин, мен ҳар қандай қарорни қабул қиламан. Эртага ҳаммасини билиб оламиз", - дейди Индзаги.