“Пари Сен-Жермен” ва “Ювентус” клублари Франция ярим ҳимоячиси Поль Погбанинг трансфер суммасини келишиб олди.
22 ёшли яримҳимоячини қўлга киритиш учун парижликлар 80 миллион евро тўлашади. Бироқ “ПСЖ” ўйинчининг ўзи билан унинг шартномаси бўйича ҳали келишиб олмади.
Бу ҳафтада француз клубининг президенти Носир Ал-Халайфий Погба ва унинг вакили билан Монте-Карлода трансферни муҳокама қилиш мақсадида учрашди, бироқ томонларда шартноманинг молиявий томони бўйича кичик келишмовчиликлар юзага келди.
Аввалроқ, Погба ”ПСЖ” билан йилига 10 млн евро маош олиш бўйича дастлабки келишувга эришганлиги маълум қилинганди.
