"Милан" клуби ҳамон "Севилья" бош мураббийи Унаи Эмерини олиб келиш ниятида турибди.
La Gazzetta dello Sport хабарига кўра, "россонерлар" 43 ёшли испан мутахассиси билан биргаликда Антонио Конте (Италия т.ж.) ва Карло Анчелотти ("Реал") номзодларини кўриб чиқмоқда.
Аввалроқ, агар музокаралар муваффаққиятли амалга ошса, Эмери билан "Севилья" ҳужумчиси Карлос Бакка ҳам "Милан"га келиши айтилган эди.
Ҳозирда андалузияликлар Испания чемпионатида 5-ўринда бормоқдалар ва Европа лигасининг яримфиналига чиққанлар.
Эслатиб ўтамиз, "Милан" акцияларининг назорат пакетига эга бўлишга яқин турган таиландлик тадбиркор Би Тэчаубол клубнинг ёзги трансферларига 70-100 миллион евро сарфламоқчи.
