Озарбайжон пойтахти Боку шаҳрида ўсмирлар ўртасида “Гейдар Алиев кубоги учун” ўтказилган анъанавий халқаро турнирда Ўзбекистон ўсмирлар терма жамоаси 3 та олтин, 3 та кумуш ва 4 та бронза медалига сазовор бўлиб, умумжамоа ҳисобида иккинчи ўринни эгаллади.

Терма жамоамиз ҳисобига олтин медалларни Ҳалимбек Утегенов (-46 кг), Муроджон Алиев (-50 кг) ва Саиджамшид Жафаров (-54 кг) келтиришган бўлса, Баҳодир Баротов (-48 кг), Фаррух Илҳомов (-75 кг), Дилшод Рўзметов (-66 кг) кумуш, Жаҳонгир Раҳмонов (-52 кг), Тимур Мержанов (-66 кг), Яҳёхон Саидхонов (-70 кг) ҳамда Аббосхон Мирзаабдуллаев (-80 кг) эса бронза медаллари билан тақдирландилар.

Маълумот учун. Бу йилги халқаро турнирда Озарбайжон, Ўзбекистон, Россия, Украина, Финляндия, Туркия, Грузия, Қозоғистон ва Қирғизистондан келган 150 нафар ёш чарм қўлқоп усталари 13 комплект медаллар учун кураш олиб бордилар.