Германия терма жамоаси бош мураббийи Йоахим Лёв ўзининг жамоа яримҳимоячиси Марио Гётцега айтган гапларини изоҳлаб берди.
БУ сўзлар ЖЧ-2014 финалида Аргентина терма жамоаси билан учрашувнинг иккинчи бўлимида айтилган эди. Лёв ҳисоб 0:0 бўлиб турган вақтда майдонга Гётцени тушираётиб, "Майдонга туш, бутун дунёга ўзингни Мессидан кучли эканингни кўрсат" деган эди.
Гётце майдонга тушди ва 113-дақиқада Германияга жаҳон чемпионлигини келтирган ягона голга муаллифлик қилди.
"Бу сўзлар ҳақида шуни айтишим мумкинки, мен ўшанда вазиятдан келиб чиқиб айтган эдим. Гап мундиаль финалида футболчини руҳлантириш ҳақида эди. Улар иккиси ҳам экстраординар ўйинчилар. Мариога келсак, у жуда ёш эканлигини унутмаслик керак", - дейди Лёв.