"Краснодар" клуби мураббийи Андрей Тихонов рус матбуотига интервью берар экан жамоа яримҳимоячиси, ҳамюртимиз Одил Аҳмедовга алоқадор фикрларини билдирди.

- Денисов "Краснодар"га ўтса яхши бўлар эди, деган гаплар чиқди. Бу вариант сизда борми?

- Шахсан менда - йўқ. Ҳаммасини бош мураббий ва клуб президенти ҳал қилади. Бизда бу чизиқда маҳоратли ўйинчилар етарли - Одил Аҳмедов, у ишончли, Европанинг яхши жамоасида ўйнаб кета олади. Яна Газинский бор, ҳозирда улар Денисовдан кучлироқлар.

- Бу қарорга келишда Денисовнинг мураббийлар билан чиқиша олмаслиги муҳим роль ўйнадими?

- Оғир ўйинчилар билан ишлаш - "Краснодар"нинг кучли томони. Агар шундай бўлиб қолса - муаммо бўлмайди. "Краснодар" - оила. Муносабатлар ҳурмат устига қурилади. Футболчиларимиз қаердадир муаммога дуч келган бўлишлари мумкин, аммо бу ерда ҳаммаси бошқача. Қайтараман, Газинский ва Аҳмедов ҳозирда Игорь Денисовдан кучлилар.