Етиб келдик! Ўзбекистоннинг 4 жамоасидан бирортаси Осиё чемпионлар лигасининг плей-офф босқичига чиқа олмади. Ҳали бунақаси бўлмаганди!

Учта клубимиз "пишган"идан кейин сўнгги умидимиз "Пахтакор"дан эди. Бабаян шогирдлари нимчорак финалга чиқиши учун ўз майдонида "Аш-Шабоб"ни мағлуб этиши ва "Ал-Айн" ўзида "Нафт"га ютқазмаслиги керак эди. Амирликларку рақиб дарвозасига жавобсиз 3та гол урди, аммо "Пахтакор" бугун жуда ва жуда очиз кўринди.

"Пахтакор" фақат қанотлардан узатмалар бериш орқали ўйналадиган ўйин тактикаси, жуда ғариб захира ўриндиғи билан жиддий мақсадларга эриша олмаслигини тушуниши керак. Профессионал футболчи яқин масофалардан даврозага аниқ зарба бериши лозимлигини Андреевга тушунтириб ўтириш — уят юмуш. Ва ҳоказо!

ОФКнинг ғалати қарорларига кўра келаси йили ҳам ОЧЛда "3+1"га га бўламиз. Аммо катта эҳтимол билан ундан кейинги 4 йил давомида бор-йўғи "1+2" билан иштирок этамиз. ОЧЛнинг бу йилги мавсуми эса биз учун якунланди.

ОЧЛ, "В" гуруҳи, 6-тур
"ПАХТАКОР" - "АШ-ШАБОБ" - 0:2
Голлар: Муса аш-Шаммарий (6), Абдуллоҳ ал-Аста (67-пен.)
"Пахтакор": 12.Александр Лобанов, 4.Аднан Ораховац (Анвар Солиев 67), 7.Кахи Махарадзе (Акбар Исматуллаев 77), 8.Шерзод Каримов, 9.Жалолиддин Машарипов (Баҳодир Пардаев 42), 11.Игорь Сергеев, 15.Жавоҳир Соҳибов, 23.Александр Мерзляков, 24.Давронбек Ҳошимов, 28.Станислав Андреев, 29.Владимир Козак
"Аш-Шабоб": 22.Ал-Овайс, 2.Ал-Астаъ, 8.Ас-Сулайҳим, 12.Ал-Хайбрий, 13.Фаллатаҳ (С), 15.Отайф, 17.Аш-Шаммарий, 23.Авал, 25.Ал-Маршадий, 27.Ад-Досарий, 80.Ал-Хайбарий