“Персеполис” – “Бунёдкор” учрашувидан кейинги матбуот анжуманининг биринчи қисмида “қалдирғолчлар” устози иштирок этди.
- Ўйлашимча, учрашув чиройли ва шиддатли тарзда ўтди. Бизда имконият қолмаган булса-да, охиригача курашдик. Бугунги баҳсда рақибга бироз омад кулиб боқди. Айниқса Вазиятлардан унумли фоцдаланиш борасида. Шогирдларимга ҳеч қандай эътирозим йўқ, улар яхши ўйнадилар. Бундай стадионда ва юз мингдан зиёд мухлислар қаршисида тўп тепиш шараф. “Персеполис”га омад тилайман, уларни ОЧЛда узоқроққа боришини тилайман", - деб гап бошлади Сергей Иванович.
- Жамоангизда имконият қолмаган бўлса-да бугунги баҳсни яхши ўтказди. Айтингчи, шогирдларингизни учрашувга қандай руҳлантирдингиз?
- “Бунёдкор”нинг ўз анъаналари ва тарихи бор. Биз ҳар бир учрашувда ғалаба қозонишга ҳаракат қиламиз. Жамоамизда тажрибали футболчилар ҳам бор, ёшлар ҳам бор. Бизда энг асосийси ўйин мазмуни бор. Ўйин бўлса албатта натижа ҳам бўлади. Тез орада “Бунёдкор” футбол мактаби Осиёда энг яхши ва кучли академияга айланади ва биз яратаётган тизим барқарор ишлайди.
- Иккала голни ҳам ҳимоядаги хатолар туфайли ўтказиб юбординглар. Хатолар ҳақида нима дея оласиз?
- Ўйинолди матбуот анжуманида таркиб борасида муаммолар бор деб айтиб ўтгандим. Энг аламлиси энг асосий ҳимоячиларимиз сафдан чиқиб қолишди. Масалан, бугунги баҳсда қўл остимдаги ҳужумчи чап ҳимоячи бўлиб ўйнади. 10 нафар ёшларимизни терма жамоага олиб кетишди. Лекин шундай ҳолатда ҳам рақибга қараганда кўпроқ вазият содир этдик. Йигитлар ҳаракат қилишди. Бу футбол. Кимдир ютади, кимдир ютқазади.
