"Челси" матбуот хизмати 30 май куни Бангкокда Таиланд юлдузлари терма жамоаси билан ўртоқлик учрашуви ўтказилишини хабар қилди.
Учрашув "Ражамангала" стадионида бўлиб ўтади. Лондонликлар 2009 ва 2013 йилларда Бангкокда бўлишган. Англия чемпионлари 2 июнь куни Австралияга учадилар ва у ерда "Сидней" клуби билан ўртоқлик учрашуви ўтказадилар.
"Бизнинг Осиёга сафаримиз у ерда жуда кўплаб мухлисларимиз борлиги билан эсда қолади. Ишонаманки, Жозе Моуриньо ва жамоа чиройли ўйинлари билан мухлислармизни шод этишади ва мавсумдаги ютуқни бирга нишонлайдилар. Шунинг учун "Челси"нинг Австралиялик, Осиёлик ва Жанубий Америкалик мухлислари жамоани кўришлари мумкин", - дейди "Челси" директорлар кенгаши раиси Брюс Бак.
