"Челси" бош мураббийи Жозе Моуриньо Англия чемпионатида "Ливерпуль" билан учрашувдан сўнг (1:1) фикрларини билдирди.
Учрашувнинг 79-дақиқасида "қизиллар" яримҳимоячиси Стивен Жеррад майдонни тарк этди. У бу учрашувда жамоасининг голини киритган эди. Лондонлик мухлислар эса ёзда "Ливерпуль"ни тарк этиши кутилаётган Жеррардни олқишлаб кузатиб қўйдилар.
"Бу ажойиб ўйин бўлди. Икки жамоага ҳам мотивация етарли эди, бу ўйинга панжа орасидан қараганимиз йўқ. "Челси" бор кучини кўрсатмади, аммо рақобатбардош бўлиш учун етарли савияда ўйнади. Иккинчи бўлим бироз оғирроқ кечди, аммо биз курашдик.
"Челси" ишқибозлари Жерррардни олқишлаб кузатганларидан хурсанд бўлдим. Унинг номига номаъқул чақириқларга келсак... Бу бизнинг азалий рақимиз бўлган ва кўп мусобақаларда бизга қарши ўйнаган футболчига ҳурмат белгиси эди. Шунинг учун уни тик туриб олқишлаганларидан ҳайрон бўлдим", - дейди Моуриньо.
