"ПСЖ" ҳужумчиси Златан Иброҳимовичнинг агенти Мино Райола швециялик футболчига янги жамоа ахтармоқда. Италиялик футбол агенти Златаннинг хизматларини "Ювентус"га таклиф қилди.
Туринликлар Иброҳимовични сотиб олишни истамадилар. Бу ҳақда Sky Italia хабар тарқатди. Футболчининг ёши (33 ёш) ўтиб бораётганини инобатга олган "Ювентус" раҳбарияти Иброҳимовични сотиб олишни истамади.
"Ювентус" бошқа ҳужумчиларга кўз тикмоқда. Улар "Палермо"дан Пауло Дибало ва "ПСЖ"дан Эдинсон Каванини қўлга киритишга уриниб кўрадилар.
Златаннинг "ПСЖ" билан шартномаси 2016 йилда якунига етади. Швед футболчиси Франция чемпионатининг ушбу мавсумида 24та ўйинда 19та гол урган.