"Ливерпуль" клуби трансферга қўйилган "Реал" ярим ҳимоячиси Асьер Ильярамендига қизиқиш билдирмоқда.

"Қизиллар" анчадан бери Ильяраменди атрофидаги вазиятни кузатиб келяпти ва футболчи учун 8,5 миллион фунт таклиф қилишга тайёр. Қироллик клуби Асьер учун 10 млн фунт сўраётган бўлса-да, аммо айни вақтда мерсисайдликлар 25 ёшли ўйинчи учун курашда яққол фаворит ҳисобланмоқда. Бу ҳақида championat.com Mirror нашрига асосланиб хабар берди.

Эслатиб ўтамиз, Ильяраменди жорий мавсум Примерода 28 учрашув ўтказди. Унинг "қаймоқранглилар" билан тузган шартномаси 2019 йил ёзигача мўлжалланган.