"Реал" клубининг жамоатчилик билан ишлаш бўйича директори Эмилио Бутрагеньонинг маълум қилишича, ҳозир клуб раҳбарияти бош мураббий Карло Анчелоттининг келажаги ҳақида бош қотирмоқчи эмас.
"Ҳозир Анчелоттининг ўз вазифасида қолиш-қолмаслигини муҳокама қиладиган вақт эмас. Олдинда чемпионатнинг яна бир ўйини турибди. Шундан сўнг кўриб чиқамиз. Ҳозир эса, "Барселона"ни чемпионлик билан табриклашни истардим", - дейди Бутрагеньо.
"Реал" бу мавсумда Карло Анчелотти билан Испания чемпионатида, мамлакат кубоги ва чемпионлар лигасида ғолиб бўла олмади. Жамоанинг натижалари қониқарсиз баҳоланмоқда.