Россиянинг Хабаровск шаҳрида 13-17 май кунлари бокс бўйича анъанавий ўтказиб келинаётган Константин Коротков хотирасига бағишланган VII халқаро турнир якунига етди. Унда жаҳоннинг 14 давлатидан 93 нафар чарм қўлқоп усталари 10 медаллар жамғармаси учун рингга чиқдилар.
Ўзбекистон шарафини ҳимоя қилган боксичлар орасида Мирзабек Ҳасанов (-91 кг.) барча рақибларидан устун келиб, олтин медални қўлга киритган бўлса, Аброржон Қодиров (-52 кг.) ва Миразизбек Мирзаҳалилов (-56 кг.) финалгача етиб келиб, ҳал қилувчи беллашувда имкониятни бой бериб қўйди ва кумуш медал билан тақдирланди. Жамоамизнинг ягона бронза медалига Нодиржон Мирахмедов эгалик қилди.
