"Челси" бош мураббийи Жозе Моуриньо "Реал" бош мураббийи бўлиб ишлаган вақтлари ҳақида гапириб, Испания футболидан завқ олмаганини маълум қилди.

"Мен Испанияда ишлаганман, аммо завқ олмаганман, чунки у ерда 100 очко ва 121 гол уриб чемпион бўлганман. "Реал" бутун мавсумда 3-4 марта ҳақиқий маънода футбол ўйнар эди. Мен 92 очко жамғариб, чемпионликни қўлдан бой берганман, аммо яна 3-4 марта ҳақиқий футбол ўйнаганмиз.
У ерда ҳар доим мамлакат чемпионлигини қўлга киритиш босими остида бўласан. У ерда фақат ғалаба, ғалаба ва яна ғалаба қозонишинг шарт, чунки у ерда етакчи жамоалар билан қолганлар ўртасида фарқ катта.

"Реал" ва "Барселона" премьер-лигада чемпион бўла олармидилар? Балки, ҳа, балки, йўқ", - дейди Моуриньо.

Моуриньо "Реал"ни 2010 йилдан 2013 йилгача бошқарган ва Испания чемпионлиги, Кубоги ва Суперкубогини қўлга киритган.