Чимкент шаҳрида юнон-рум кураши бўйича Қозоғистонда хизмат кўрсатган мураббий ва спорт устаси Мардан Сапарбаев хотирасига бағишланган XXII анъанавий халқаро турнир якунига етди.
Унга юртимиз шарафини ҳимоя қилган спортчиларимиз иккита кумуш ва иккита бронза медалини қўлга киритди, дея хабар беради Ўзбекистон спорт курашлари ассоциацияси матбуот хизмати.
Ҳал қилувчи финал беллашувида Данила Морозов (71 кг) мезбонлар вакили Дархан Баяхметовга Бесики Солдадзе (80 кг) эса Асхат Дилмухамедовга имкониятни бой бериб қўйди. Бронза медалларини ўз вазн тоифаларида Икром Ибрагимов (98 кг) ва Мўминжон Абдуллаев (130 кг) қўлга киритишди.
Эслатиб ўтамиз, мусобақада Қозоғистон, Россия, Ўзбекистон, Қирғизстон, Грузия, Беларусь, Туркманистон, Тожикистондан келган спортчилар қатнашдилар.
