“Реал” бош мураббийи Карло Анчелотти “Милан”ни мураббийи лавозимига асосий даъвогарлардан бири бўлиб турибди, деб хабар бермоқда La Gazzetta dello Sport.

Шунингдек, “Милан” бош мураббийлигига даъвогарлар қаторида Унаи Эмери (“Севилья”) ҳамда Антонио Конте (Италия терма жамоаси) номзодлари ҳам бор.

Италия чемпионатининг 36-туридан сўнг “Милан” 46 очко тўплаб, 10-ўринда бормоқда. Карло Анчелоттининг эса “Реал”да ўтказган омадсиз мавсум сабабли ўз лавозимидан озод этилиши ҳақидаги хабарларга ойдинлик киритилмади. Италиялик мутахассиснинг “мадридликлар” билан шартномаси 2016 йилгача белгиланган.