Эдин Жеко мавсум якунлангач "Манчестер Сити" билан хайрлашиши мумкин. Daily Mirror нашрига таяниб euro-football.ru сайтининг хабар беришича, маҳоратли форвард "Ливерпуль" эътиборини ўзига жалб этган.
Мерсисайдликлар ёзги трансфер вақтида жамоа ҳужум чизиғини янгиламоқчи. Марио Балотелли катта эҳтимол билан "Ливерпул"дан кетади. Айнан италиялик ҳужумчининг ўрнига Эдин Жеко жамоага таклиф қилиниши мумкин.
Аввалроқ эса матбуотда босниялик йигитнинг "Челси"да Дидье Дрогбанинг ўрнини эгаллаши мумкинлиги хабар қилинганди.
Эслатиб ўтамиз, Жеко жорий мавсум барча мусобақаларда 32 учрашувда иштирок этиб, 6та голга муаллифлик қилди.
