"Бавария" клуби "Ливерпуль" яримҳимоячиси Раҳим Стерлингга қизиқишда давом этмоқда, дея хабар беради Bild.
Мюнхенликларнинг бош мураббийи Хосеп Гвардиола 20 ёшли футболчини ушбу мавсумда жароҳати туфайли бор-йўғи 15 учрашув ўтказган Франк Риберининг ўрнида кўрмоқда.
Манбада келтирилишича, агент Пере Гвардиола (Хосеп Гвардиоланинг укаси) ўтган қишда Стерлингнинг вакиллари билан учрашган ва яна музокараларни тикламоқчи.
Таъкидланишича, Стерлинг йилига 7,3 миллион евро маошни кўзламоқда, Рибери эса "Бавария"да йилига 10 миллион евро олади.
Манба француз футболчисининг трансферга қўйилиш-қўйилмаслигини аниқламаган.
