Бугун "Барселона" яримҳимоячиси Хави мавсум якунлангач, клубдан кетишини эълон қилди.
Хавининг шартномаси 2016 йилнинг 30 июнида ниҳоясига етиши керак эди, аммо футболчи фаолиятини Қатарнинг "Ас Садд" клубида давом эттиришни маъқул кўрди.
"Барселона" менга янги шартнома таклиф қилди, аммо мен қарор чиқариб бўлган эдим. Менимча, ҳозир "Камп Ноу"ни айни тарк этадиган вақтим. Мен фаолиятимни "Ас Сад" клубида давом эттираман, бу мени руҳлантиряпти. Шартнома икки йилга тузилди ва яна бир йил узайтирилиши мумкин. Ўйнашда давом этмоқчиман, аммо бироз пастроқ савияга йўл олишга мажбурман. Қатарда менга мураббий ва менежер сифатида ривожланишга имкоият бўлади", - дейди Хави.