Янги марказий ярим ҳимоячи излаётган “Манчестер Юнайтед” “Бавария” клуби ўйинчиси Бастиан Швайнштайгер билан қизиқиб қолган. Бу ҳақида championat.com Kicker нашрига таяниб хабар бермоқда.
“МЮ” бош мураббийи Луи ван Гал Швайнштайгер билан “Бавария”да бирга ишлаган ва футболчининг имкониятларидан яхши хабардор.
Хавбекнинг мюнхен гранди билан тузган шартномаси бир йилдан сўнг якунига етади ва манкунианликлар футболчини арзон нархга сотиб олиш имконига эгалар.
Эслатиб ўтамиз, 30 ёшли Швайнштайгер жорий мавсум Бундеслигада 19 учрашув ўтказиб 4та тўп киритди ва яна шунча голга асистентлик қилди.