"Манчестер Сити" бош мураббийи Мануэль Пеллегрини мавсумнинг сўнгги турида "Саутҳэмптон"га қарши учрашуван сўнг клуб президенти Халдон Ал Муборак биан учрашиб, кейинги фаолиятига аниқлик киритиб олади.
The Guardian хабарига кўра, учрашувда мавсум якунлари таҳлил қилинади ва чилилик 61 ёшли мутахассиснинг клубда қолиш масаласини ҳам кўрилади.
Эслатиб ўтамиз, "шаҳарликлар" ўтган мавсумда ҳеч қандай совринга эга бўла олмадилар, чемпионлар лигасининг 1/8 финалида мусобақани тарк этдилар.
"Биз ўтириб, суҳбатлашамиз, бу нормал. Биз ҳар ҳафта суҳбатлашиб турамиз. Бу қандайдир ўзгача суҳбат бўлади деб ўйламайман. Мен ҳар доим ўзимга ишонаман, бу менинг яшаш тарзим. Шартномам уч йилга тузилган, яна бир йил ишалашим мумкин. Клубдагилар мен билан шартномани бекор қилишлари мумкинлигини сезмаяпман", - дейди Пеллегрини.
