"Ливерпуль" ҳужумчиси Раҳим Стерлинг клуби билан шартномасини узайтиришни истамаяпти ва фаолиятини "Арсенал"да давом эттириши мумкин, дея хабар беради Daily Star.

Манбада келтирилишича, 20 ёшли футболчи айнан "канонирлар" сафига ўтишни истаяпти. Стерлингга "Манчестер Сити" қизиқмоқда ва унинг учун 63 миллион евро ва Стеван Йоветични бермоқчи, аммо Лондон футболчи учун энг яхши вариант бўлиб турибди.

Стерлингнинг амалдаги шартномаси 2017 йилгача тузилган. Раҳим бу мавсум 52 учрашувда 11 гол урган ва 8 голли узатма оширган.