Бугун Тошкентнинг "Локомотив" жамоаси Ўзбекистон Кубоги 1/8 финал босқичи дастлабки ўйини доирасида "Навбаҳор"га қарши майдонга тушди. ТТЙМИ стадионида бўлиб ўтган баҳс қизғин курашлар ва хавфли вазиятларга бой бўлди.

Учрашув тақдирини иккинчи бўлим боши (59 дақиқа)да заҳирадан майдонга тушган Марат Бикмаев ҳал қилди. Тажрибали ҳужумчи дастлаб 61-дақиқада жамоадоши Иброҳим Раҳимовнинг ўнг қанотдан оширган тўпини боши билан дарвозага жойлаб қўйган бўлса, 87-дақиқада рақиб ҳимоячиларининг қўпол хатосидан унумли фойдаланиб ҳисобни 2:0 кўринишига етказди.

Шу тариқа Кубокнинг амалдаги соҳиби жавоб учрашуви олдидан ажойиб устунликка эга бўлди.

Ўзбекистон Кубоги. 
1/8 финал.

Дастлабки учрашувлар

"Локомотив" - “Навбаҳор” - 2:0 (0:0)
Голлар: Бикмаев (61, 87)
"Локомотив": 1. Игнатий Нестеров, 3. Шавкат Муллажонов, 9. Дилшод Рахматуллаев (Марат Бикмаев, 59), 11. Тимурхўжа Абдухолиқов, 13. Лутфулло Тўраев, 20. Ислом Тўхтахўжаев, 22. Санжар Шоахмедов, 24. Иброҳим Раҳимов, 31. Неманья Яничич, 33. Олег Зотеев (Жасур Ҳасанов (катта), 72), 99. Дамир Кояшевич (Тимур Кападзе, 53).
"Навбаҳор": 1. Александр Меленчук, 2. Алишер Саматов,  8. Азим Аҳмедов, 9. Илҳом Бойдедаев, 10. Алишер Маҳмудов (Азамат Бобожонов, 62), 25. Мўйдин Мамазулунов (Улуғбек Бақоев, 46), 27. Роббим Ҳасанов, 29. Дилшод Жабборов, 50. Юрий Рижко, 89. Бобир Акбаров, 91. Сергей Георгиев (Суннатилло Мамадалиев, 78).
Четлатиш: Дилшод Жабборов (иккинчи сариқ карточка)