Мадриднинг “Реал” клуби “Севилья” спорт директори Рамон Мончи билан қизиқиб қолди. Бу ҳақида championat.com Marca нашрига таяниб хабар бермоқда.
Қироллик клуби президенти Флорентино Перес ва унинг ҳаммаслаклари ушбу позицияни жуда муҳим деб ҳисоблайдилар. Мигель Пардеса “қаймоқранглилар”дан кетгач “Реал”да ушбу лавозим бўшаб қолганди.
“Севилья”нинг сўнгги муваффақиятлари айнан Мончининг хизматлари билан боғланмоқда.
Эслатиб ўтамиз, “Севилья” жорий мавсум Испания чемпионатини бешинчи ўринда якунлади ва қаторасига иккинчи марта Европа Лигаси финалига йўл олди.
