"Челси" бош мураббийи Жозе Моуриньо ўз жамоаси таркиби ҳақида гапирар экан, трансфер бозорида улардан яхшироғини топиб бўлмаслигини айтиб ўтди.
"Бизга ўз ўйинчиларимиз ёқади, улардан мамнунмиз. Клубга икки-уч янгилар келиши мумкин, бу нормал. Аммо менга керакли ўйинчилар қўл остимда ўйнамоқдалар, уларни сақлаб қолмоқчиман. Ўтган мавсумда сотишни хоҳлаган футболчилар бор эди. Бозорда энг муҳими - яхши футболчиларни йўқотмаслик. Диего Костадан яхшироқ ҳужумчини, Неманья Матичдан яхшироқ яримҳимоячини, Бронислав Ивановичдай энг яхши ҳимоячини қайдан топаман?
Бу мавсумда таркибимиз жуда яхши бўлди, жароҳатлар кўп бўлмади. Бизда барча 38 учрашувда майдонга тушган учта ўйинчимиз бўлди.
"Челси"га катта номли ўйинчилар сотиб олинадими? Чемпин жамоага қўшилар экансан, сенинг номинг катта бўлмасдан илож йўқ, катта номлар - чемпионлардир", - дейди Моуриньо.
