31 май, якшанба куни “Бунёдкор” олий лига 11-тури доирасида принцпиал рақиби “Пахтакор” меҳмони бўлади.
Тошкентнинг икки совриндор клублари ўртасидаги бу сафарги баҳс ўзаро ҳисобда ўн еттинчи учрашув сифатида қайд этилади. Бунгача бўлиб ўтган учрашувларнинг 8 тасида кучлар тенг келган бўлса, беш ўйинда “қалдирғочлар”нинг қўллари баланд келган. Пахтакорчилар ҳисобида эса учта ғалаба бор. Тўплар фарқи – 18:15, “Бунёдкор” фойдасига.
Дербиларда умумий ҳисобда 33 бор тўп дарвоза тўрларига бориб тушган бўлса, шуларнинг 23тси "Бунёдкор" мезбон бўлган баҳсларга тўғри келади. "Пахтакор" стадионида кечган учрашувларда эса мухлислар атиги ўнта гол кўришган.
Ўзаро ўйинлар тўпурарлари ҳақида гап кетганда Игорь Сергеев ва Шавкат Саломовни эслаб ўтиш даркор. Ҳар иккала футболчи дербиларда тўрттадан гол урган.
Қуйида “Пахтакор” мезбонлигида ўтган ўзаро ўйинлар қайдномаларидан кўчирмалар ва киритилган голлар видеосини томоша қилишингиз мумкин.
ПАХТАКОР – БУНЁДКОР 0:0
22.09.2007. 20-тур. Тошкент. МҲСК стадиони. 10 000 томошабин
ПАХТАКОР – БУНЁДКОР 1:1 (0:1)
Голлар: Вильянуэва 31 (0:1), Гейнрих 57 (1:1)
10.07.2008. 15-тур. Тошкент. “Пахтакор” марказий стадиони. 24 322 томошабин
ПАХТАКОР – БУНЁДКОР 0:0
14.10.2009. 20-тур. Тошкент. “Пахтакор” марказий стадиони. 19 204 томошабин
ПАХТАКОР – БУНЁДКОР 0:0
31.10.2010. 26-тур. Тошкент. “Пахтакор” марказий стадиони. 12 006 томошабин
ПАХТАКОР – БУНЁДКОР 0:0
07.07.2011. 10-тур. Тошкент. "Пахтакор" марказий стадиони. 8503 томошабин
ПАХТАКОР – БУНЁДКОР 1:1 (0:1)
Голлар: Саломов 15 (0:1), Андреев 70 пенальти 1:1
09.08.2012. 15-тур. Тошкент. “Пахтакор” марказий стадиони. 11802 томошабин
ПАХТАКОР – БУНЁДКОР 0:2 (0:0)
Голлар: Боян Миладинович 67 автогол (0:1), Олександр Пишур 75 (0:2)
30.06.2013. 12-тур. Тошкент. “Пахтакор” марказий стадиони. 3941 томошабин
ПАХТАКОР – БУНЁДКОР 3:1
Голлар: Игор Сергеев 45+1 (1:0), Игорь Сергеев 46 (2:0), Кахи Махарадзе 53 (3:0), Воҳид Шодиев 85 (3:1)
05.06.2014. 13-тур. Тошкент. “Пахтакор” марказий стадиони. 2412 томошабин
