“Бавария” дарвозабони Пепе Рейна фаолиятини Мадриднинг "Реал" клубида давом эттиришни кўзламоқда. Бу ҳақида euro-football.ru таниқли италиялик журналист Жанлука ди Марциога таяниб хабар берди.
Маълум бўлишича, Рейна Қироллик клубининг янги бош мураббийи бўлиши кутилаётган Рафаэль Бенитесдан таклиф олишга умид боғлаган. Эслатиб ўтамиз, испаниялик кипер ушбу мутахассис қўл остида "Ливерпуль" ва "Наполи" клубларида тўп сурган. "Реал" эса айни вақт ўзига янги дарвозабон изламоқда.
Маълумот учун. Рейнанинг "Бавария" билан тузган шартномаси 2017 йилда якунига етади.
Қизиқ жиҳати, ушбу дарвозабон ўз фаолиятини Қироллик клубининг азалий рақиби "Барселона"да бошлаган.
