“Манчестер Юнайтед”, “Арсенал” ва “Атлетико” клублари “Наполи” ҳужумчиси Гонсало Игуаинга даъвогарлик қилмоқда. Бу ҳақида eurosport.ru La Gazzetta dello Sport нашрига таяниб хабар тарқатди.
Маълум бўлишича, “канонирлар” аргентиналик форвард учун 40 миллион евро сарфлашга тайёр, аммо неаполитанликлар 50 миллион евродан камига рози бўлмоқчи эмас.
“Арсенал” 27 ёшли ҳужумчига йилига 6 миллион евро таклиф қилмоқчи.
Эслатиб ўтамиз, Игуаин жорий мавсум “Наполи” сафида 18та гол уриб, А Сериянинг тўртинчи рақамли тўпурарига айланди.