Испания терма жамоаси бош мураббийи Висенте дел Боске эртага бўлиб ўтадиган Европа Чемионлар лигаси финал учрашувидан олдин каталонияликларнинг имкониятини юқори баҳолади. Шу билан бирга у финалда икки испан жамоаси тўқнаш келишини истаганини ва Ювентус муносиб равишда «Реал»ни турнирдан чиқариб юборганини ҳам айтиб ўтди.
«Мен бу йилги Чемпионлар лигасининг финалида ҳам ўтган йилги каби испан жамоаларини кўришни истагандим. Аммо «Реал» ишончимни оқлолмади. Ювентус эса ҳақли равишда финалга йўлланмани қўлга киритди.
Ҳал қилувчи ўйинда Европанинг икки буюк клуби ўйнайди. Улар ҳозирда бошқалардан кучлироқ эканлигини исботлашди. Шубҳасиз, «Барселона» финалда фаворит сифатида майдонга тушади. Ушбу клуб бугунги кунда дунёдаги энг кучли ҳужум чизиғига эга. Индивидуал маҳорат бобида ҳам Каталония клуби рақибига қараганда сезиларли даражада устун», — дейди у «Gazzetta della sport»га берган интервьюсида.
