"Барселона" жамоасининг бош мураббийи Луис Энрике ЕЧЛ финали арафасида ўз фикрлари билан ўртоқлашди.
"Жамоамиз ўзининг нималарга қодирлигини кўрсатиб қўйди. Биз мавсумда ҳозиргача 2та соврин ютиб бўлдик, учинчисини ҳам ўзимизники қилишга яқин турибмиз. Финалда майдон марказида ҳам, ҳужумда ҳам, ҳимояда ҳам тўпга эгалик қилишимиз керак. Ўз ўйинимизни кўрсатиб, рақибга имкон бермаслигимиз керак.
Ўйлайманки, ўйинда тўпга эгалик қилиш бўйича катта устунлик кўрсатамиз. Биз кучни тенг тақсимласак, оғир ўтиши кутилаётган ушбу ўйинда ғалаба қиламиз.
"Ювентус"нинг ўйин услуби ҳам бизникига яқинроқ туради. Улар ҳам тўп назоратига эътибор қаратадиган жамоа ҳисобланади. Улар ҳимояда анча ишончли ўйнашлари билан ҳам ажралиб туради. Икки жамоа ҳам требл учун кураш олиб боради.
Улар бутун ўйин давомида прессинг уюштиришларини кутаяпман", деб ўз фикрларини билдиради Энрике.
