“Челси” ва Бельгия терма жамоаси ярим ҳимоячиси Эден Азар Лондон клубига ҳамюрти Кристиан Бентекенинг кўчиб ўтиши ҳақида тарқалган хабарларга ўз муносабатини билдирди.
“Агар Кристиан “Челси”га кўчиб ўтса, мен дунёдаги энг бахтли инсонлардан бирига айланаман.
Бентеке билан жуда яқин дўстмиз. Бир жамоа таркибида тўп суриш жуда ажойиб иш бўлади. Бентеке 25 ёшда ва бу вақтда футболчилик фаолиятида энг тўғри қарорни чиқара олиш шарт.
Бу гапларим билан “Астон Вилла” кичик клуб демоқчи эмасман, лекин Кристиан бу клуб сафида анча-мунча ўйнаб қўйди ва энди ЕЧЛда иштирок этадиган жамоада ўзини синаб кўрса яхши бўларди”, – дея мавсум якунларига кўра АПЛнинг энг яхши футболчиси деб топилган Азар сўзларини келтиради Sports.ru.
