Дортмунднинг "Боруссия" клуби ярим ҳимоячиси Илкай Гюндоган "Барселона"га кўчиб ўтишга яқин турибди.
Хавининг меросхўри сифатида эътироф этилаётган 24 ёшли германиялик футболчи аллақачон каталон клуби билан шахсий шартнома бўйича келишиб улгурган. Бу ҳақида sports.ru Sport.es манбасига таяниб хабар тарқатди.
Маълум бўлишича, Гюндоган "Барселона"да тиббий кўрикдан муваффақиятли ўтган.
Аввалроқ "кўк-анорранглилар"нинг "Севилья" хавбеги Алеиш Видал билан 5 йиллик келишув имзолагани хабар қилинганди.