"Челси" бош мураббийи Жозе Моуриньонинг маълум қилишича, у 2012 йилда ФИФАдаги коррупциядан азият чекиши мумкин экан.
"2012 йилда мен энг яхши мураббий номзодлари учлигига кирган эдим. Менга биринчи ўриндаги кишидан бир неча овоз кам тўплаб иккинчи ўринни олганимни айтишди. Бу нормал ҳолат эди.
Кейин эса ФИФА ким-кимга овоз берганини элон қилди. Шунда собиқ ўйинчиларимдан бири қўнғироқ қилиб, менга овоз берганини айтди. Унинг овозини бошқага ёзиб юборишган.
Кейинроқ терма жамоалардан бири бўлган протугалиялик дўстим шу каби сўзларни айтди. Кейинроқ яна бир терма жамоа мураббийи овозлар ўзгартирилганини маълум қилди.
Овозларни ким ўзгартирди? Уларнинг федерацияларими? ФИФАми? Нимадир бўлгани аниқ", - дейди Моуриньо.
