"Реал" яримҳимоячилари Мартин Эдегор ва Марко Асенсио янги мавсумда мадридликлар сафида ўйнамайдилар ва ижарага кетадилар, дея хабар беради AS.
Жамоанинг янги бош мураббийи Рафаэль Бенитес бу футболчиларнинг кўпроқ ўйин амалиёига эга бўлишларини истамоқда. Аввалроқ, Эдегор янги мавсумга "Реал"билан тайёргарлик кўршиши ҳақида хабар берилган эди.
Норвегиялик футболчига "Вильярреал" қизиқмоқда. Бу жамоада ўтган мавсум россиялик яримҳимоячи Денис Черишев ижарада ўйнаган эди. Шунингдек, мадридликлар Эдегорни "Бетис" ёки "Малага"га бериши мумкин.
Эслатиб ўтамиз, "Реал" қишда Эдегорни "Стремгодсет"дан, Асенсиони "Мальорка"дан сотиб олган эди. Асенсио "Мальорка"да ижарада ўйнашдадавом этган бўлса, норвегиялик футболчи "Реал"нинг ўринбосарлар жамоасида ўйнаган эди.
