Москванинг “Локомотив” клуби расмий сайти ҳамда “Вконтакте” гуруҳида ўтказилган сўров якунланди. Унда “темирйўлчилар”нинг ўтган мавсумдаги энг яхши футболчиси аниқланди. Овоз бериш якунларига кўра ҳимоячи Ведран Чорлука мавсумнинг энг яхшиси деб топилди.
Хорватиялик футболчига 1461 киши овоз берган. Бу сўровда иштирок этганларнинг умумий 36,9 фоизи деганидир. Иккинчи ўринни ярим ҳимоячи Алексей Миранчук 786 овоз (19,9 фоиз) билан банд этди. Кучли учлиика ҳамюртимиз Виталий Денисов якун ясади. Терма жамоамиз ҳимоячисига 504 киши (12,7 фоиз) овоз берган.
