"Сан-Пауло"нинг бразилиялик ҳужумчиси Алешандре Пато ёзги трансферлар вақтида ҳамюртимиз Асрор Гафуровга қарши майдонга тушиш имкониятига эга бўлиши мумкин. Гап шундаки, “Фенербахче” 25 ёшлик чарм тўп устасини трансфер режаларига киритишдан ташқари, 10-15 млн. еврони айнан шу футболчи учун ажратиб қўйган.

Қизиғи шундаки, “Манисаспор” таркибини ҳимоя қилаётган ҳамюртимиз Асрор Гафуровга ҳам Туркия супер лигасидан қизиқишлар келиб тушмоқда. Агар, воқеалар ривожи шу зайлда кетадиган бўлса, ҳимоячимиз афсонавий “Милан” ҳужумчисига қарши майдонга тушади. Яъни, Пато ва Асрор Гафуров қарама-қаршилигига гувоҳ бўламиз.

“Милан” таркибида 2007 йилдан 2013 йилгача ўз фаолиятини олиб бориб, 150 учрашувда 63 та гол ва 18 та голли узатмага муаллифлик қилган Патонинг натижалари ҳали ҳам ёмон эмас. 5 учрашув, 2 та гол ва 1 та голли узатма.