"Манчестер Юнайтед" ҳужумчиси Робин ван Перси яқин орада Англия чемпионатини айнан Италия чемпионатига алмаштириши мумкин.

Бир томондан туринликлар, бир томондан эса римликлар “учар голланд“ учун трансфер “пойга”сини бошлаб юборишган. Сўнгги янгиликларга кўра, “Ювентус” ва “Рома” сафига эндиликда яна бир рим клуби “Лацио” келиб қўшилган.

"Il Messaggero"нинг тарқатган хабарларига кўра, “Лацио” қизиқиш билдирибгина қолмай, футболчи билан келишувларни ҳам бошлаб юборган ҳамда илк музокаралар мувафаққиятли якунлаган. Унга кўра, “қизил иблислар” Ван Персини 15 млн. евро эвазига “Лацио”га ўтишига розилик билдиришган.

Маълум бўлишича, сўнгги паллаларда римликларни футболчи билан тузилган шартнома бандлари қониқтирмаган. Лекин унутмаслик керак футболда бундай келишмовчиликлар бўлиб туради. Ҳал қилувчи қарорни доимо футболчи қабул қилади. Шундай экан Робин “Лацио”га ўтишни ихтиёр этса, айрим бандларга тузатиш киритишига тўғри келади.

Бу мавсумда Робин ван Перси 27 учрашувда 10 та гол ва 2 та голли узатмани амалга оширган.