"Милан" клуби "Атлетико" яримҳимоячиси Арда Туронни қўшиб олмоқчи.
Италия клуби Doyen Sports компанияси билан ҳамкорликда 28 ёшли футболчининг агенти Аҳмад Булут билан музокаралар ўтказди, дея хабар беради As.
Манбага кўра музокаралар давомида таъкидландики, "Милан"нинг янги бош мураббийи Синиша Михайлович қўл остида Турон жамоанинг етакчиларидан бўлади.
Арданинг "Атлетико" билан шартномаси 2017 йилнинг ёзида ниҳоясига етади, унинг товон пули - 41 миллион евро.
Турон ўтган мавсумда Испания чемпионатида 32 учрашувда иштирок этиб, 2 гол урган ва 4 голли узатма оширган.
