“Ювентус” сафида кўрсатаётган ёрқин ўйинлари орқали кўплаб бошқа гранд жамоалар эътиборини ўзига қарата олган Поль Погба ўз фаолиятини Испанияда давом эттириш ниятида.
Marca нашрининг ёзишича, бу ҳақда 22 ёшли футболчига яқин манбалардан бири айтиб ўтган. Франция терма жамоаси аъзосининг айнан қайси жамоага ўтиши мумкинлиги айтилмаган.
Шу ўринда таъкидлаш жоизки, Поль Погбага икки испан гранди – “Реал” ва “Барселона” ҳам қизиқиш билдирмоқда. Футболчи эса катта эҳтимол билан шу икки жамоадан бирига йўл олади.
Эслатиб ўтамиз, Поль Погба 2012 йилдан буён Турин супер клуби сафида тўп суриб келмоқда.
