Аргентина терма жамоаси бош мураббийи Херардо Мартино Америка кубоги мусобақаларининг 3-тур Ямайкага қарши учрашув (1:0) ҳақида гапирар экан, жамоанинг иккинчи бўлимда анча зерикарли ўйин кўрсатганини айтиб ўтди. 

Мураббий шогирдларининг биринчи ўрин билан плей-оффга йўлланма олганликларида хурсанд эканини ҳам таъкидлашни унутмади.

– Биринчи таймда жуда яхши ўйин намойиш этдик, – дея Тата Мартино сўзларини келтиради “СЭ”. – Танаффусдан кейин эса ҳотиржамликка берилдик ўйин эса зерикарли ўтди. Аргентина ғалаба қозонди ва биринчи ўрин билан плей-оффга чиқди, бу эса биз учун энг муҳим ҳодиса. Бизга баъзи вазиятларда аниқлик ва тезкор қарорлар етишмаяпти. Жисмоний тайёргарлик борасида яна ишлашимиз ва муаммони баратараф этишимиз лозим. Жамоанинг учрашувга чарчоқ билан етиб келгани сезилиб қолди.