“Милан” вице-президенти Адриано Галлиани “Монако” ярим ҳимоячиси Жоффре Кондогбиа трансфери борасида муваффақиятсизликка ўз муносабатини билдирди.

“Кеча куннинг иккинчи ярмида “Монако” билан Кондогбиа трансфери борасида келишувга эришгандик. Монегасклар уни бизга 40 миллионга сотишга рози бўлишганди, маблағ иккига бўлинган ҳолда яъни 20 миллиондан тўланиши керак эди.

Жума куни оқшомда Кондогбиа билан шахсий келишув шартларини келишиб олдик. Шанба куни у ва унинг отаси рози эканликларини тасдиқлашди.

Бироқ биз ҳужжатлар аламшинувини ўтказганимиздан кейин кутилмаганда “Монако” ўз қарорини ўзгартирди. Бошқа бир клуб уларга кўпроқ маблағ таклиф этган кўринади.

Агар биз Кондогбиага 40 миллион ва Жексон Мартинесга 35 миллион сарфламасак, бизда 75 миллион иқтисод қилинади ва бу пулни трансфер ойнаси вақтида бир неча харидга ишлатишимиз мумкин. Адашган ёки адашмаганимизни вақт кўрсатади”, – дея Галлиани сўзларини келтиради Sports.ru.