“Манчестер Юнайтед”нинг португалиялик вингери Луиш Нани яқин вақт ичида “Фенербахче” футболчисига айланади, деб хабар бермоқда Sports.ru.
Томонлар трансфер борасида келишувга эришишган. 28 ёшли футболчига эгалик қилиш ҳуқуқи учун Туркия клуби “МЮ”га 8,4 миллион евро тўлайди.
Нани “Фенербахче”да йилига 3,4 миллион евро маош олиши кутилмоқда.
Эслатиб ўтамиз, якунига етган мавсумни Нани ижара асосида Лиссабоннинг “Спортинг” клубида ўтказганди, аммо Португалия клуби раҳбарияти мавсум охирида ўз тарбияланувчисининг трансферини сотиб олишни истамади.
